ArmenianHouse.org - Հայ գրականություն, պատմություն, կրոն
Unicode Armenian Language Support Unicode Armenian Language Support Unicode Armenian Language Support
Արման Կիրակոսյան

Արման Ջոնի Կիրակոսյան

ԿԵՆՍԱԳՐՈՒԹՅՈՒՆ

Ծնվել է 1956 թ. սեպտեմբերի 10-ին Երևանում։

1973 թ. ընդունվել է Երևանի Խաչատուր Աբովյանի անվան պետական մանկավարժական ինստիտուտի պատմա-աշխարհագրական ֆակուլտետի պատմության և հասարակագիտության բաժինը, որն ավարտելուց հետո՝ 1977 թ. մի քանի ամիսների ընթացքում հայոց պատմություն և հասարակագիտություն է դասավանդել Էջմիածնի շրջանի Բաղրամյան գյուղի դպրոցում։

Այնուհետև 1977 թ. ընդունվել է Երևանի Խաչատուր Աբովյանի անվան պետական մանկավարժական ինստիտուտի ընդհանուր պատմության ամբիոնի ասպիրանտուրան և 1980 թ. ավարտել այն։

1980 – 1986 թթ. աշխատել է ՀՀ Գիտությունների ազգային ակադեմիայում (լաբորանտ, կրտսեր գիտաշխատող, ավագ գիտաշխատող – ՀՀ ԳԱԱ գիտական տեղեկատվական կենտրոնի «Հայագիտությունն արտերկրում» խմբի ղեկավար)։

1986 – 1991 թթ. տարբեր պաշտոններ է զբաղեցրել Հայաստանի կոմկուսի կենտկոմում (Գիտության և կրթական հաստատությունների բաժնի հրահանգիչ, գաղափարական բաժնի հրահանգիչ, գաղափարական բաժնի խորհրդատու), այնուհետեւ կրկին վերադարձել ՀՀ ԳԱԱ՝ որպես Սփյուռքի պատմության և մշակույթի բաժնի ղեկավար։

1991 – 1994 թթ. զբաղեցրել է ՀՀ Արտաքին գործերի նախարարի առաջին տեղակալի պաշտոնը։

1994 – 1999 թթ. զբաղեցրել է Հունաստանում Հայաստանի արտակարգ և լիազոր դեսպանի պաշտոնը, միաժամանակ համատեղելով բալկանյան մի շարք երկրներում ու Կիպրոսում համանուն պաշտոնները։

1999 թ. մարտ–հոկտեմբեր ամիսներին ստանձնել է Հունաստանի դիվանագիտական կորպուսի դուեինի պաշտոնը (առաջինը հայկական դիվանագիտության պատմության մեջ)

1999 – 2005 թթ. զբաղեցրել է ԱՄՆ-ում Հայաստանի արտակարգ և լիազոր դեսպանի պաշտոնը։

2005 թվականից ի վեր ՀՀ արտաքին գործերի նախարարի տեղակալ է։

ՀՀ նախագահի 1992 թ. հուլիսի 25-ի որոշմամբ Արման Կիրակոսյանին շնորհվել է արտակարգ և լիազոր դեսպանի դիվանագիտական կոչում։

1999 թվականից պատմական գիտությունների դոկտոր է, աշխատության թեման՝ «Բրիտանական դիվանագիտությունը և արևմտահայության խնդիրը XIX դարի 30-ական թթ. – 1914 թ.»

Բազմաթիվ գիտական աշխատությունների և հոդվածների հեղինակ է, մասնավորապես. «Արևմտյան Հայաստանի նկատմամբ իրականացվող անգլիական քաղաքականությունը և Մեծ Բրիտանիայի հասարակական կարծիքը (XIX դարի 90-ական թթ.)» , «Բրիտանական դիվանագիտությունը և արևմտահայության խնդիրը (XIX դարի 30-ական թթ. – 1914 թ.)», «Մեծ Բրիտանիան և Հայկական հարցը (XIX դարի 90-ական թթ.)», «Բրիտանական դիվանագիտությունը և Հայկական հարցը (1830-ական թթ. – 1914 թ.)» : Նաև մասնակցել է «Հայկական հարց» հանրագիտարանի ստեղծման աշխատանքներին։

Տես նաև

Արման Ջոնի Կիրակոսյան — Բրիտանական դիվանագիտությունը և արևմտահայության խնդիրը (19-րդ դարի 30-ական թթ. - 1914 թ.)
Арман Киракосян — Великобритания и Армянский вопрос
Джон Киракосян — Младотурки перед судом истории

ArmenianHouse.org in ArmenianArmenianHouse.org in EnglishArmenianHouse.org in Russian
Design & Content © Anna & Karen Vrtanesyan, unless otherwise stated.  Legal Notice