|
ԹԱԴԵՎՈՍ ՀԱԿՈԲՅԱՆ
Թադևոս Խաչատուրի Հակոբյանը ծնվել է 1917թ. հունիսի 15-ին, ՀԽՍՀ Ղափանի
շրջանի Լեռնաձոր գյուղում: 1940թ. ավարտել է Երևանի համալսարանի աշխարհա-երկրաբանական
ֆակուլտետը: 1963թ. ստացել է պատմական գիտությունների պրոֆեսորի, իսկ
1968-ին` ՀԽՍՀ գիտությունների վաստակավոր գործչի կոչում: 1942–43թթ.
մասնակցել է Հայրենական մեծ պատերազմին: 1962 թվականից եղել է Երևանի
համալսարանի աշխարհագրության ֆակուլտետի տնտեսական աշխարհագրության
ամբիոնի վարիչ: 1955–57թթ և 1963–65թթ. եղել է ԵՊՀ աշխարհագրության
ֆակուլտետի դեկան: Հիմնական ուսումնասիրություններն ու աշխատությունները
վերաբերում են Հայաստանի պատմական աշխարհագրությանը, քաղաքների պատմությանը:
Գրել է դասագրքեր ԲՈՒՀ-երի և դպրոցների համար, կազմել Հայաստանի քարտեզը
(մ.թ.ա. II դ. – մ.թ. V դ. սահմաններով):
|
